İsa Qəmbər Emin Milliyə: "Qardaşoğlu,..."
Müsavat Partiyasının eks-başqanı İsa Qəmbər qohumlarının imtina bəyanatından sonra Emin Milli ilə fotosunu paylaşıb və yazıb ki, “qardaşoğlu, özünə yaxşı bax” .
Bir neçə gün öncə E.Millinin qaynı həbs olunub və 23 qohumu ondan imtina etdikləri barədə bəyanat yayıb.
Vaxtilə Emin Milli İsa Qəmbəri 2003-cü ildə meydana çıxmağa qorxmaqda ittiham etmişdi. Tərəflər arasında mübahisə bir müddət mətbuatın gündəmində oldu.
250 dərmanın qiyməti xeyli salındı
Tarif Şurası daha çox tələbat olan 250-dən çox dərmanın qiymətini təsdiq edib. Həmin dərmanlardan 20 faizinin qiyməti 3, 40 faizinin qiyməti isə 2 dəfədən çox enib. Qiymətlər sentyabrın 15-dən qüvvəyə minəcək.
Hazırkı qiymət ilə endirilmiş qiymətlər arasında çox böyük fərq olduğu görünür. Məsələn, Rusiya istehsalı olan “Amlotop” hazırda 10-13 manata satılır – bundan sonra 1 manat 7 qəpiyə satılacaq. Macarıstan istehsalı, 5-7 manata olan “Kardolopin” 1 manat 6 qəpiyə satılacaq. ABŞ istehsalı olan “Liprimar”ın indiki qiyməti 25-31 manatdır. Ancaq 3 manata satılacaq.
Azərbaycanlı tələbələr Micrtosoft ofisində keçirilən müsabiqədə 2-ci oldu
Sietldə «Microsoft»un baş ofisində keçirilən «Imagine Cup 2015» müsabiqəsində Azərbaycan tələbələrinin layihəsi qaliblərdən biri oldu.
Azərbaycanın «NoObs» komandası ilk dəfə iştirak etdiyi beynəlxalq müsabiqədə ikinci yeri tutub. «NoObs» müsabiqənin finalına «Spinal» adlanan layihə ilə çıxıb. «Spinal» qurğusu onurğa sütununun vəziyyətinə nəzarət edən ötürücü dəstdən ibarətdir. İnsan onurğaya pis təsir edən vəziyyətdə oturduqda «Bluetooth» modulu ilə «Windows Phone» platformalı smartfona siqnallar daxil olur.
Bakı, Yerevan, Tbilisi bazarları - Nə? Neçəyə?
BBC-nin müxbirləri Bakı, Yerevan və Tbilisinin bazarlarında eyni ərzağın qiymətini öyrəniblər və qiyməti müqayisə etmək üçün dollara çeviriblər. Çörək Bakıda ən ucuzdur - bazarda 0,24-0,29 dollardır. Yerevanda 0,52 dollar, Tbilisidə 0,32-0,35 dollardır. Ət isə Bakıda ən bahadır - kilosu Bakıda təxminən 7,6 dollardır. Yerevanda ətin kilosu 5,22 dollar, Tbilisidə 4,83 dollardır.
Bakı Tbilisi Yerevan
Soğan (kq) $0.33-$0.57 $0.44 $0.63-$0.73
Pomidor (kq) $0.48-$0.95 $0.66-$0.88 $0.42-$0.73
Süd (litr) $0,95 $0,88 $0,90