- Radyard Kiplinq (Rudyard Kipling)
İngiliscədən tərcümə: Zülfüqar Rüfətoğlu
Qorxu
Məni döyüşdən əvvəl
Bircə şeydi qorxudan
Döyüşlər qurtaranda
Birdən bəlli olsa ki,
Təkcə mənəm sağ qalan.
Birdən bəlli olsa ki,
Hələ mən qılıncımı
Çıxarmamış qınından
Bütün dostlarım keçib
Mənimçün öz canından.
Birdən məlum olsa ki,
Təkcə mənəm sağ qalan
Çiynim tab gətirərmi
Bu ağır xəcalətə?
Kim inanar, axı kim
“Satqın deyiləm” - deyə
Verdiyim şəhadətə?..
