Bu günki AzadlıqLive-da:
Jurnalist Eynulla Fətullayev hələ 2010-cu ilin 16 iyununda məhkəmədə MTN generalı Akif Çovdarovla söhbəti barədə nələri deyirdi?
Noyabrın 16-da internet niyə çökdü?
17 noyabr Milli Dirçəliş Günüdür: 1988-ci ildə Meydan Hərəkatı başlandı
Azərbaycana uçuşlar zamanı təhlükəsizliyi gücləndirmək tövsiyyə olunur
Rusiya aviaşirkətlərinə Azərbaycan da daxil olmaqla, 47 ölkəyə uçuş zamanı təhlükəsizlik tədbirlərinin gücləndirilməsi barədə tövsiyə verilib. Mülki Aviasiya Xidmətindən ("Rosaviasiya") daxil olan siyahıda 47 ölkənin adı yer alır.
Siyahıya Azərbaycanla yanaşı aşağıdakı ölkələr daxildir:
Avstriya
Əlcəzair
Əfqanıstan
Böyük Britaniya
Almaniya
Yunanıstan
Misir
ABŞ
Türkiyə
BƏƏ və s.
Eynulla Fətullayev vaxtilə məhkəmədə Çovdarov haqda nə deyirdi?
"Eynulla Fətullayev dedi ki, Akif Çovdarov onunla görüşərkən Elmar Hüseynovla bağlı araşdırmalara son qoymasını tələb edib. Hətta aralarındakı mübahisə o yerə çatıb ki, onlar əlbəyaxa olublar:
«Mən dedim axı, apardığım bütün jurnalist təhqiqatları bir şey göstərir, hər şey gəlib sənə çıxır. Avropa Məhkəməsinə göndərdiyim materiallarda faktlar da göstərmişəm. Ancaq mən bir şeyi başa düşmürəm, siz nəyə görə Elmarı belə qeyri-peşəkarcasına qətlə yetirmisiniz? Mən birbaşa bunu soruşdum. Cavabı bilirsiniz nə oldu hörmətli sədr?
Dedi biz hələ gənc dövlətik».
Eynulla Fətullayev iddia edir ki, Akif Çovdarov Elmar Hüseynovun qətlində əli olduğunu açıq şəkildə etiraf edib: «Mən onun frazalarını bir-bir deyə bilərəm hörmətli sədr. Dedi ki, onu öldürmək azdır, onu yandırmaq lazım idi. Bir də dedi ki, axı biz bunu özümüzə görə etməmişik, atamın sözü ilə etməmişəm ki bunu. Yəni ki, sən məndən nə istəyirsən axı, əl çək məndən. Deyirdi ağzına gələni yazırdı, axırı belə də olmalı idi». 2010-cu il iyunun 17-də Azadlıq Radiosunun reportajı
"Xalqın ümidi əlindən alındı"
«Meydan hərəkatının qəhrəmanlarının bəzisi indi həbsdə, bəzisi məzarda, bəzisi mühacirətdədir. Bəzilərinin də milli-mənəvi dəyərlərində aşınma gedib. Bəziləri isə ölkənin indiki faciələrinə, problemlərinə baxıb təəssüflə yaşamaqdadırlar».
Bunu Azadlıq Radiosuna Meydan hərəkatının fəallarından biri Ənvər Əliyev deyib. Ənvər Əliyev Nemət Pənahlıdan əvvəl, meydanın ilk günlərində nümayişlərə rəhbərlik edib. Meydan hadisələrindən sonra həbs edilib, sonra azadlığa buraxılıb. 2008-ci ildə meydan hadisələrindən bəhs edən kitab çap edib. Müsahibə burada