ABŞ-da 408 azərbaycanlı tələbə təhsil alır
ABŞ kollec və universitetlərinə qəbul olan beynəlxalq tələbələrin sayı ötən 35 il ərzində ən yüksək həddə çatıb.
2014/2015-ci tədris ili üzrə göstəricilərə əsasən Azərbaycandan olan tələbələr Amerikada əsasən natamam ali təhsil pilləsində təhsil almağa meyl ediblər. Tələbələrin 38 faizi tam ali təhsil, 42 faizi natamam ali təhsil, 13 faizi könüllü praktik təlimlər, 7 faizi isə ingilis dili kursları və ya qısa-müddətli kurslar kimi qeyri-dərəcə proqramları üzrə təhsil alır.
Rafiq Tağının ölümündən 4 il ötür, qatil tapılmayıb
Noyabrın 19-da axşam saatlarında naməlum kəs tərəfindən bıçaqlanan yazıçı Rafiq Tağı 23 noyabrda saat 15.30 radələrində müalicə olunduğu Kliniki Tibbi Mərkəzdə qəflətən dünyasını dəyişdi.
Deyirlər, Rafiq Tağı iki dəfə öldürülüb.
Xəstəxananın baş həkimi Tərlan Bəbirovun dediyinə görə, Rafiq Tağının vəziyyəti normal olub. Lakin qəfildən vəziyyəti pisləşib.
Rafiq Tağı öldü, yoxsa aradan götürüldü? - bu sualın cavabı hələ də müəmmalıdır.
İxrac azalır
Bu ilin 10 ayında Azərbaycanda idxal əməliyyatları artıb, ixrac isə azalıb. Dövlət Gömrük Komitəsinin açıqladığı rəqəmlərə görə, idxal 1.08 faiz artıb, ixrac isə 49.13 faiz azalıb.
İxracda əsas mallarda azalmalar belə olub:
Xam neft – 53.43 %
Neft məhsulları – 45.51%
Təbii qaz – 27.37 %
Çay – 44.53%
Bitki və heyvan mənşəli piylər və yağlar – 21.65%
Şəkər – 5,44%
Spirtli və spirtsiz içkilər – 25.04%
Akif Çovdarovun istixanasında
virtualaz.org saytının əməkdaşları MTN-nin hazırda həbsdə olan keçmiş idarə rəisi Akif Çovdarovun gizli həbsxanasını üzə çıxarmaq üçün axtarışa başlayıblar. Ancaq həbsxana yerinə istixana tapıblar.
İstixananın direktoru Adil Yaqubov sayta deyib ki, «Hansı axmaq belə yerdə gizli həbsxana saxlayar? Bəyəm başlarına yer qəhətdir?».