Ermənistan parlamentində qapalı iclasda Lavrovun səfəri müzakirə olunur
Ermənistan parlamentində xarici işlər naziri Edvard Nalbandyanın iştirakı ilə qapalı iclas keçirilir
“news.am” xəbər verir ki, iclasda xarici əlaqələr komissiyasının, AŞPA-dakı nümayəndə heyətinin üzvləri, müdafiə, milli təhlükəsizlik və daxili işlər üzrə komissiyanın rəhbəri Koryun Naapetyan iştirak edir. Agentlik bildirir ki, iclasda Rusiyanın xarici işlər naziri Sergey Lavrovun Yerevana səfərinin müzakirə olunacağı gözlənilir.
Lavrovun Yerevana səfəri zamanı Dağlıq Qarabağ münaqişəsinin həlli ilə bağlı məsələlər müzakirə olunub.
Rusiyada Wikipedia bağlana bilər
Rusiyada narkotik maddələrin dövriyyəsinə qarşı mübarizə aparan federal qurum Wikipedia-da beş rusdilli məqalədə qadağan olunmuş informasiya aşkar etdiyini bildirir.
Həmin beş məqalə ilə birlikdə bütün resursa giriş qapadıla bilər.
Vəkil: Leyla Yunusun vəziyyəti çox ağırdır
«Leyla Yunusun vəziyyəti çox ağırdır. Sağlamlığı bərbad durumdadır. Ayın 30-dan ona həkimin yazdığı dərmanlar da verilmir. Müalicə olunmaq üçün tibb məntəqəsinə köçürülmür. Yeridiyi əsanı da əlindən alıblar».
Bu haqda AzadlıqRadiosuna hüquq müdafiəçisi Leyla Yunusun vəkili Elçin Qəmbərov məlumat verib. Vəkil deyir ki, Arif Yunus azad olunandan sonra onda Leyla Yunusun da azadlığa buraxılacağına ümidlər yaranıb:
- Leyla xanımın səhhəti elə bərbad durumdadır ki... Başa düşmürəm ki, xəstə, yaşlı, tamamilə ağır vəziyyətdə olan qadına qarşı necə bu qədər insafsız davranmaq olar? Məntəqə çərçivəsində həll olunan məsələ həllini tapmır. Nə qədər müraciət edirik, rəsmi, qeyri- rəsmi, nəticə yoxdur. Xəstə qadın tibb məntəqəsinə köçürülmür. Gərək ən yüksək dairədə buna münasibət bildirilsin ki, məsələ həllini tapsın.
Yaşayış minimumu kasıb həyata bəs eləmir
2016-cı il üçün yaşayış minimumu 136 manat proqnozlaşdırılıb.
«2016-cı ildə Azərbaycanda yaşayış minimumu haqqında» qanunda bu məbləğ əmək qabiliyyətli əhali üçün 145 manat, pensiyaçılar üçün 115 manat, uşqlar üçün 118 manat nəzərdə tutulur. Bunun əsasında hökumət pensiya, müavinət, ünvanlı yardım və minimum əmək haqqı müəyyən edir.
Bu məbləğ aztəminatlı vətəndaşlar üçün yetərlidirmi?
«Turan»ın hesablamasına görə, 2015-ci ilin oktyabrında əmək qabiliyyətli əhali minimum istehlak səbəti, kommunal xidmət, nəqliyyat və internetə 129,7 manat xərcləyib. 2015-ci ildə Nazirlər Kabineti yaşayış minimumunu 131 manat (işləyənlər üçün 140, pensiyaçı və uşaqlar üçün 108 manat) müəyyən edib. Üstəlik, 2015-ci il üçün yaşayış minimumu manatın 34% devalvasiyasından əvvəl qəbul edilib. Hökumət vətəndaşların devalvasiya itkilərini kompensasiya etməyib.
İşləyən vətəndaşın şəxsi xərcləri (minimum istehlak səbəti çərçivəsində) ilə yaşayış minimumu arasında fərqə qayıdaq. 140 manatdan 129,7 çıxanda 10,3 manat qalır. Aztəminatlı, ammа işləyən insan “səbətdə” nəzərdə tutulmayan məbləği tütünə, spirtli içkiyə, qonaqlara və hədiyyələrə xərcləyə bilər. Və ya bir tay ayaqqabı ala bilər. Minimal istehlak səbətində nəzərdə tutulan paltara pul qalmır.