Bakıdan bölgələrə köç - Nazir deyir, inkişafdı

-

Bakıdan bölgələrə köçənlərin sayı artmaqdadır.

Bunu kənd təsərrüfatı naziri Heydər Əsədov bildirib.

Nazir köçü kənd təsərrüfatının və aqrar sektorun inkişafının şərtləndirdiyini vurğulayıb.

H. Əsədov bildirib ki, bu sektorun inkişaf göstəricilərindən biri də şəhər əhalisinin kəndlərə köçməsidir. Son statistika bunu deməyə bizə əsas verir.

“Hazırda və növbəti illərdə də bizim əsas hədəfimiz bölgələrdə əkin sahələrini genişləndirmək, sakinləri bu sahəyə cəlb etmək üçün stimullaşdırıcı tədbirlər həyata keçirtməkdir. Bununla bağlı hazırda ciddi sənədlər hazırlanır və yaxın vaxtlarda bu sənədlərin imzalanmasının şahidi olacaqsınız”- deyə nazir vurğulayıb.

____________________________________________________________

Bunlara da bax:

Baba Rauf Mirqədirova anası hələ də "uşağım" deyir

Azərbaycanın ilk müdafiə nazirinin məzarı tapıldı

_____________________________________________________________

Son bir həftədə ölkə mətbuatında “Bakıdan bölgələrə köç” mövzusunda bir sıra yazılar dərc edilib. Ancaq bu yazılarda köçə əsas səbəb kimi, Bakıda tikinti işlərinin dayanması, rayondan paytaxta gələn insanların ev kirayəsi ödəməyə çətinlik çəkdikləri göstərilirdi.

Buna da bax: Bakıda bağlanan dükanlar, restoranlar, maşın salonları

Manatın yarıbayarı ucuzlaşmasından əvvəl də şəhərin mərkəzindəki bahalı mağazalar bir-bir bağlanırdı. İkinci devalvasiyadan sonra belə mağazaların sayı artıb.