Qərb münaqişələrin həllinə qərar verib?
Sülhəddin Əkbərin fikrincə, artıq Qərb keçmiş SSRİ məkanında münaqişələrin həllinə qərar verib: «Demək olar ki, Cənubi Qafqazın taleyi həlledici mərhələyə daxil olub və bundan sonra Azərbaycan ətrafında gərginliyin arta bilməsinə hazır olmaq lazımdır».S.Əkbər deyir ki, Rusiya Azərbaycanın Avrasiya İqtisadi Birliyinə daxil olmasını istəyir. Bu isə onun fikrincə, Azərbaycanın 1991-ci ildən bu yana qazandığı müstəqilliyini itirməsi demək olardı
Guardian Qarabağdan yazdı
Böyük Britaniyanın «The Guardian» qəzeti Dağlıq Qarabağ münaqişəsi ilə bağlı redaksiya məqaləsi dərc edib:
"Ermənistan Dağlıq Qarabağı maliyyə və hərbi yolla dəstəkləyir. Rusiya da onun arxasında durur. Qarşı cəbhədə isə Azərbaycan və arxasında Türkiyə dayanır. Rusiya-Türkiyə münasibətləri Suriya müharibəsinə görə korlanıb. Emosiyalar səngiməsə, Dağlıq Qarabağda tammiqyaslı müharibə hər iki güc dövlətini münaqişəyə çəkə bilər".
"...Dünya Rusiya və Türkiyənin də əllərindəki kartları ehtiyatla oynayacaqlarına ümid bəsləyir".Media icmalı
Talış kəndi 1992-ci ildə də azad olunmuşdu
Son günlər Azərbaycan və erməni ordularının döyüş meydanına çevrilmiş Tərtər rayonunun Talış kəndini 1992-ci ildə Azərbaycan ordusu azad etmişdi. Sonrakı illərdə kənd yenidən erməni qüvvələrinin nəzarətinə keçdi. Fotojurnalist Mirnaib Həsənoğlunun 1992-ci ildə kənd azad edilərkən çəkdiyi fotolar.
Talış kəndi işğaldan azad edilərkən - tarixi fotolar
İranın keçmiş səfiri: «Türkiyəyə qarşı istifadə etmək üçün Rusiya PKK terrorçularını və Suriya ermənilərini Dağlıq Qarabağa yerləşdirir».
ANSPRESS-in xəbərinə görə, bu iddianı İranın Azərbaycanda sabiq səfiri Afshar Soleimani dilə gətirib.
Diplomat Türkiyə-Rusiya münasibətləri ilə yanaşı, Azərbaycan və Ermənistan arasında baş vermiş son gərginliyi də şərh edib: «Ankara ilə Moskva arasında başlayan gərginlikdən sonra Rusiya Türkiyəyə qarşı «erməni«kartı»ndan istifadə edir. Rusiya Suriya ermənilərini və PKK ilə əlaqəli bəzi şəxsləri Dağlıq Qarabağa yerləşdirərək onlardan Türkiyəyə qarşı istifadə etmək istəyir».