Döyüşlər davam edir
Azərbaycanın ikigünlük döyüşlərdən sonra atəşkəs elan etməsinə baxmayaraq Dağlıq Qarabağda atışma bazar günü-aprelin 3-ü davam edib (video)
![Cəbhədə döyüşlər gərginləşir [video]](https://gdb.rferl.org/853da451-33bb-4b5e-86f7-91681623cdc4_tv_w250_r1.jpg "Cəbhədə döyüşlər gərginləşir [video]")
Sülhəddin Əkbər "Lavrov planından danışır
Sülhəddin Əkbər Azadlıq Radiosuna deyir ki, Qarabağ münaqişəsi ilə bağlı Rusiyanın «Lavrov planı» mövcuddur: «Rusiya sülhməramlı qüvvə adı ilə öz qoşunlarını Cənubi Qafqaza yerləşdirmək istəyir. Amma Azərbaycan buna razılıq verməyib. Buna görə də, Ermənistan üzərindən Azərbaycanla zor dili ilə danışır. Yəni, burada məsələ təkcə Qarabağ məsələsi deyil. Söhbət Rusiyanın təsirini itirməməsindən gedir. Bunun qarşısında isə Azərbaycanın təkbaşına duruş gətirməsi mümkün deyil. Odur ki, təkrar edirəm, seçim vaxtıdır .Bu nə qədər tez və doğru olsa, o qədər yaxşıdır».
"Ermənistan kompromisə hazırdır"
Rusiyanın RİA Novosti Agentliyi bir cümləlik xəbər yayıb: "Ermənistan prezidenti Serj Sarkisyanın deyir ki, Ermənistan Dağlıq Qarabağ məsələsində kompromissə hazırdır"
Lenta.ru isə Sarkisiyanın başqa sözlərini sitat gətirir. Prezidentin mətbuat xidmətinin məlumatına görə, Sarkisyan ATƏT ölkələrinin səfirləri ilə görüşdə deyib ki, "döyüşlər qızışsa, əvvəlcədən bilinməyən və geri döndərilə bilməyən nəticələrə, o cümlədən irimiqyaslı müharibəyə gətirə bilər"