Avstraliyadakı səfirliyinin daha bir işçisi XİN-dən uzaqlaşdırıldı
Azərbaycanın Avstraliyadakı səfirliyinin daha bir əməkdaşı XİN sistemindən uzaqlaşdırılıb.Bu barədə APA-ya Azərbaycanın Avstraliyadakı səfirliyindən məlumat verilib.Bildirilir ki, səfirliyin keçmiş III katibi Fərid Sübhanverdiyev bu il iyunun 18-də vəzifəsindən azad edilib.
Virtualaz.org isə yazır ki, Fərid Sübhanverdiyev işdən çıxarılsa da, Azərbaycana qayıtmayaraq Avstraliyada qalmağa qərar verib, siyasi sığınacaq almaq üçün artıq Avstraliya hökumətinə müraciət edib.
Sübhanverdiyevin özü nə deyir? - bunu öyrənib, məlumat verəcəyik.
Prokurorluq deyir, onlar səni öldürsəydilər, bu, başqa məsələ...
Bakıya meyvə gətirəni yolda Nəqliyayat Departamenti işçiləri cərimələyib, o da polisə şikayət edib. Polis şikayəti prokurorluğa göndərib. «Prokurorluqda dedilər, «onlar səni döysəydilər, yerə yıxıb sürüsəydilər, nəhayət ki, öldürsəydilər, bu, başqa məsələ. Tutub cinayət işi açardıq. Ancaq indi bizə yalnız o qalır ki, rəhbərliklərinə məlumat verək, onlar da həmin işçilərini töhmətləsinlər»».
Hərbi toplanış: "panikaya əsas yoxdur"
Azərbaycanda ehtiyatda olan əsgər və zabitlərin hərbi toplanışlara çağırılması bir narahatlıq yaradıb ki, niyə çağırırlar, bəlkə ciddi nəsə var? Hərbi ekspert Üzeyir Cəfərli AzadlıqLive-a deyir ki, panikaya heç bir əsas yoxdur. Bu, Komanda Qərargah Hərbi Oyunları adlı təlimdir. Təlim planda əvvəlcədən nəzərdə tutulub.Özü də vaxtı, müddəti də elan olunub- sentyabrın 6-dan 13-nə kimi.
AzadlıqLive hərbi ekspertdən soruşub ki, adamlar necə narahat olmasın ki, Azərbaycanın xəbər saytlarında hətta belə başlıqlar var ki, "onları gecə ilə təlimə apardılar". Təbii ki, adamı gecə gəlib, aparanda qohumları doğrudan da narahat ola bilər ki, görəsən nə olub? Üzeyir Cəfərli bu narahatlığı da əsasssız sayır. O deyir ki, təlim keçirəndə bunun gecə ya gündüz olmağına baxmırlar, ehtiyatda olan hərbçini gəlib gecə də çağıra bilərlər.
AzadlıqLive-ın bir sualı da belədir ki, indiki hərbi təlimlər Azərbaycan-Ermənistan sərhəddindəki son gərginliklə bağlı deyil ki? Üzeyir Cəfərli deyir ki, bunların eyni vaxta düşməyi tam təsadüfdür.
AzadlıqTV: Avropanın planı
Avropa Komssiyasının sədri Avropaya böyük qaçqın axını böhranı ilə bağlı fövqəladə plan təqdim edib