Dumanın Youtube kanalı bloklanıb
Google 145 mindən çox abunəçisi olan Rusiya Dövlət Dumasının YouTube kanalını bloklayıb.Bu barədə Duma TV teleqram kanalı məlumat paylaşıb. Roskomnadzor isə Youtube videohostinqindən Duma telekanalının fəaliyyətini bərpa etməyi tələb edib.
Duma rəhbəri Vyaçeslav Volodin bloklanmağı “Vaşinqton tərəfindən vətəndaşların hüquq və azadlıqlarının pozulmasının daha bir sübutu” adlandırıb.
Rusiya Xarici İşlər Nazirliyinin sözçüsü Mariya Zaxarova Telegram kanalında “görünür, YouTube öz hökmünü imzalayıb” deyə yazıb. Ukraynada müharibəni başlayandan sonra Rusiya Facebook, Instagram, Tvitter və s. sosial şəbəkə platformalarına girişi bloklayıb. Dəfələrlə Yotube platformasını bloklayacağını bəyan edib.
Rusiya - Kiyevdən geri çəkilmə və Kremlin özü tərəfindən etiraf edilən çoxsaylı itkilər fonunda - Ukraynadakı əməliyyat komandirini dəyişib. Bu barədə BBC məlumat yayıb.
Məlumatda vurğulanır ki, Cənub Hərbi Dairəsi qoşunlarının komandanı Aleksandr Dvornikov yeni komandir olub. Onun ikinci Çeçenistan müharibəsində və Rusiya hərbçilərinin Suriyadakı hərbi əməliyyatlarına rəhbərlik etdiyi bildirilir.
Kəşfiyyat Rusiya ordusunun Xarkov istiqamətində cəmləşdiyini bildirir
Ukrayna kəşfiyyatının məlumatları göstərir ki, Rusiya hərbçiləri Ukraynanın şərqində yenidən qruplaşır və bundan sonra onlar Xarkova doğru hərəkət etməyi planlaşdırırlar. Ətraflı
Ukrayna mənbələri: Boris Conson Kiyevdədir
Ukrayna mənbələri xəbər verirlər ki, Böyük Britaniyanın baş naziri Boris Conson Kiyevdədir. Onun Kiyevə Ukrayna prezidenti Volodimir Zelenski ilə görüşmək üçün səfər etdiyi bildirilir. Həm də vurğulanır ki, belə bir səfər barədə əvvəlcədən xəbər anonsu edilməyib. Ukrayna Prezident ofisinin rəhbəri Andriy Sybiha özünün facebook səhifəsində iki liderin görüş fotosunu paylaşıb.