TRT-1 hazırda canlı yayımda ordunun mövqeyini yayır
TRT-1-də ordunun bəyanatı yayılır. Bildirilir ki, ordu ölkədə asayişi bərpa edəcək, ölkəyə demokratiyanı yenidən gətirəcək, vətənə xəyanət edənlər məhkəmə önünə çıxarılacaq: "Siyasi qərarlarla yanlışlığa yol verilib, terror ölkənin içinə nüfuz edib", bəyanatda deyilir. Konsitusiya əvvəlki halına qaytarılacaq, - mətndə bildirilir.
Ordu adından bəyanat imzalayanlar vətəndaşların küçəyə çıxmasını qadağan edir, sərhədlərin, hava alanları bağlandığnı deyir.
Abdulla Gül: «Türkiyə bir Afrika ölkəsi deyil»
Abdulla Gül NTV-yə Skypla bağlanıb, deyib ki, millət bu gündə sıx olmaldır: «Türkiyə bir Afrika ölkəsi deyil» deyən keçmiş prezident bildirir ki, bu xətaya yol verənlər səhv yoldan dönsünlər: «Türkiyəni xaosun içinə soxmaq istəyənlər, dərhal vaz keçin. Türkiyə bu günləri də addacaq».
NTV xəbər verir ki, Ankarada vətəndaşlar küçəyə çıxmağa başlayıblar.
Ölkənin hər yerində minarələrdən camaatı meydana səsləyən çağırışlar eşidilir. «Demokratiyaya sahib çıxmaq istəyirsinizsə, meydanlara gəlib». NTV deyir ki, Ankarada səmaya qırıcı təyyarələr qalxıb.
