Saxlanılanların sayı 1500-ü keçdi
Türkiyədə 1563 hərbi çevriliş tərəfdarı saxlanılıb. Bu haqda ölkə rəsmilərinə istinadən «Reuters» xəbər verir.
Bundan əvvəl Türkiyədə 16 çevriliş təşkilatçısının öldürüldüyü, 750 adamın saxlanıldığı bildirilirdi.
AZAL-ın Türkiyə uçuşları ələ bərpa edilməyib
Azərbaycandan Türkiyəyə aviareyslərin yerinə yetirilməsi hələ ki, bərpa olunmayıb.
Bu gün səhər İstanbul və Ankaraya nəzərdə tutulan reyslər ləğv edilib. «Report» bu xəbəri «Azərbaycan Hava Yolları»na istinadən yayıb.
Xəbərdə deyilir ki, bu gün səhər saatlarına olan üç reys ləğv edilib: «Onlardan ikisi İstanbula, biri isə Ankaraya aviareys yerinə yetirməli idi. Hər hansı yenilik olduğu təqdirdə ictimaiyyətə məlumat veriləcək».
Xatırladaq ki, hazırda Türkiyədə hərbi çevrilişə cəhdlə əlaqədar Atatürk hava limanında uçuşlar dayandırılıb.
Bu görüntülər ötən gecə Türkiyədə çəkilib- [fotolar]
![Bu görüntülər Türkiyədə çəkilib- [fotolar]](https://gdb.rferl.org/85aa1c82-6f39-4e80-bbd1-77a000003cfc_w250_r1_s.jpg)
Bu görüntülər Türkiyədə çəkilib- [fotolar]
Türkiyədə çevriliş cəhdi qurbanlarının sayı 90-a çatdı
Türkiyədə hərbi çevriliş cəhdi nəticəsində 90 nəfər həlak olub, - «Daily Sabah» xəbər verir.
Onlardan çoxunun dinc sakinlər olduğu bildirilir.
Son məlumatlara görə, çevriliş zamanı 1154 adam xəsarət alıb.