Yanğın söndürülüb
Bakıda yaşayış binasındabaş verən yanğının söndürüldüyü deyilir.
APA-nın xəbərinə görə, Binəqədi rayonu, Fərman Məlikov küçəsində yerləşən 16 mərtəbəli binada baş verən yanğınsöndürülüb.
Faktla bağlı araşdırmalara başlanılıb.
***
Bu gün, noyabrın 10-u axşam saatlarında Bakıda 16 mərtəbəli yaşayış binasında yanğın başlayıb.
Hadisənin paytaxtın Binəqədi rayonu, Fərman Məlikov küçəsində qeydə alındığı bildirilir.
Hadisə yerinə yanğınsöndürənlər cəlb olunub.
APA-nın xəbərinə görə, blokların birindəki elektrik şitində qəfil baş verən tüstülənmə yanğına çevrilib.
Yaşayış binasının bir hissəsinin sakinlərinin təxliyə olunduğu deyilir.
Hadisə nəticəsində tüstüdən zəhərlənən 10-dan çox sakinə hadisə yerində təcili tibbi yardım göstərildiyi bildirilir. Bir azyaşlının isəBakı şəhər 1 saylı Xəstəxananın Toksikoloji şöbəsinə yerləşdirildiyi qeyd edilir.
Bu gün, noyabrın 10-u Bakıda «AFEN Plaza» biznes mərkəzində də yanğın baş vermişdi.Həmin yanğın isəaz sonar söndürülüb. Binanın yalnız 6-cı mərtəbəsində bir hissə yanmışdı.
