Bu barədə APA-ya Salyan Rayon Polis Şöbəsinin istintaq şöbəsinin rəisi Əlibaxış Məmiyev məlumat verib.
Şöbə rəisinin sözlərinə görə, Ədliyyə Nazirliyi Penitensiar Xidmətin Salyanda yerləşən 5 saylı Cəzaçəkmə Müəssisəsinin sabiq rəisi, 53 yaşlı Faiq Güləliyev adı çəkilən müəssisənin rəisi vəzifəsində işlədiyi müddətdə 8 vətəndaşı aldadaraq işə düzəltmək adı ilə onlardan 91 min manat alıb.
İstintaq digər aldadılmış şəxslərin olub-olmamasını yoxlayır.
Cəzaçəkmə Müəssisənin sabiq rəisi Faiq Güləliyev Cinayət Məcəlləsinin 178-ci (dələduzluq) maddəsi ilə ittiham olunur. Bu ittihamı hakim də haqlı bilsə, o, əmlakı müsadirə olunmaqla, ya da olunmamaqla 7 ildən 12 ilə qədər azadlıqdan məhrum edilə bilər.
Hələlik ittiham olunan Faiq Güləliyevin yaxınları, ya da vəkilinin bu ittihamlarla bağlı mövqeyi məlum deyil.