Bugünlərdə hakimiyyətə yaxın media Azərbaycanda Rusiyanın casus şəbəkəsi qurması, onun vasitəsilə ölkədə ictimai-siyasi proseslərə təsir göstərməyə çalışması iddialarının yer aldığı yazılar dərc edir.
Azərbaycanla Rusiya arasında AZAL-a məxsus təyyarəsinin keçən il dekabrın 25-də qəzaya uğramasından sonra gərginliyin artdığı bildirilir. Rəsmi Bakı Azərbaycandan "Rossotrudniçestva"nın tərkibində yer alan Rus Evini çıxaracağını bəyan edib.
Fevralın 6-da Azərbaycanda daha iki jurnalist həbs olunub. Artıq ölkədə 30-dan artıq jurnalist, ictimai fəal qaçaqmalçılıq və digər ittihamlarla həbsdədir.
Fevralın 4-dən 5-nə keçən gecə daha bir jurnalist, arqument.az saytının baş redaktoru, Şəmşad Ağa (Ağayev) saxlanıb. Onun "MeydanTV işi" üzrə qaçaqmalçılıq maddəsi ilə şübhəli şəxs qismində saxlanıldığı bildirilir. Bu iş üzrə altı jurnalist eyni maddə ilə həbsdədir.
"Azərbaycan qədər dəqiq, düzgün, ədalətli seçki keçirilən çox az ölkəyə rast gəlmək olur". Bunu Milli Məclisin Regional məsələlər komitəsinin sədri, hakim Yeni Azərbaycan Partiyasının (YAP) təmsilçisi Siyavuş Novruzov parlamentin iclasında deyib.
Bugünlərdə hakimiyyətyönlü "Baku TV" telekanalında Bakıda yerləşən "Rus Evi" mədəniyyət mərkəzi ilə bağlı reportaj efirə gedib. "Rus Evi, yoxsa daha çox rus kəşfiyyatı evi" adlı süjetdə bu qurumun fəaliyyəti ilə bağlı bir sıra iddialar yer alıb.
Yanvarın 29-da keçirilən bələdiyyə seçkilərində müxtəlif dairələrdən pozuntularla bağlı şikayətlər gəlir. Bəzi seçki dairələrindən ayrı-ayrı şəxslərin bir neçə dəfə müxtəlif məntəqələrdə səs verməsinə (karusel) dair də şikayətlər eşidilir.
Belarusun avtoritar lideri Aleksandr Lukaşenko yeddinci prezidentlik müddətini təmin edib. Avropa İttifaqı liderləri isə bu ölkədə keçirilən prezident seçkisini "saxta" adlandırıb. Mərkəzi Seçki Komissiyası Lukaşenkonun səslərin 86.8 faizini qazandığını elan edib.
Azərbaycanda referendum keçirilə bilər. Bunu Milli Məclisin İnsan hüquqları komitəsinin 23 yanvar tarixində keçirilən iclasında komitə sədri Zahid Oruc deyib.
Yanvarın 21-də Türkiyənin Bolu vilayətində otelin yanması nəticəsində 79 nəfər həlak olub.
Yanvarın 18-də İmişli şəhərində DYP avtomobilinin iştirakı ilə baş verən qəza nəticəsində üç uşaq həlak olub, daha bir neçə şəxs yaralanıb. Bu faciə şəhərdə gərginlik yaradıb, etirazçılar DYP avtomobilini aşırıb, "İstefa" şüarı səsləndiriblər.
20 Yanvar faciəsindən 35-ci il keçir. 1990-cı il yanvarın 19-dan 20-nə keçən gecə SSRİ Silahlı Qüvvələri Bakıda qırğın törədib. Bu hadisələr nəticəsində 147 nəfərin həlak olduğu, 744 nəfərin yaralandığı, mindən çox insanın isə həbs edildiyi bildirilir.
Davamı
