14 saylı Xəzər rayon SD-nin Şüvəlan qəsəbəsindəki 156 saylı orta məktəbdə yerləşən 1 və 2 saylı məntəqələrində polislər kütləvi şəklində səsverməyə gətiriliblər. Həmin polislər bir məntəqədə səs verdikdən sonra digər məntəqəyə aprılırlar.
Polislər seçki məntəqəsində
16:209.10.2013
AYAZ MÜTƏLLİBOV SƏS VERDİ
Azərbaycanın birinci prezidenti Ayaz Mütəllibov 17 saylı Yasamal Seçki Dairəsinin 26 saylı məntəqəsində səs verib.
Səsvermədən sonra Ayaz Mütəllibov Mediaforum saytına bildirib ki, əhvalı yaxşıdır, seçkiyə böyük ruh yüksəkliyi ilə gəlib:
«1992-ci ildən bəri ilk dəfədir Azərbaycanda keçirilən seçkidə iştirak edirəm… Uzun müddətdir seçkidə iştirak etmədiyimə görə ilk dəfədir ki, yeniliklərin, o cümlədən barmağa mürəkkəb vurulmağının şahidi oluram».
«Kimə səs verdiniz» sualını Ayaz Mütəllibov belə cavablandırıb:
«Səsvermə gizli keçirilir. Ona görə də kimə səs verdiyimi açıqlamaq istəmirəm. Amma namizədlər arasında ən tanınmışına, ən layiqlisinə, ölkənin inkişafını təmin edən, beynəlxalq aləmdə nüfuzunu artıran namizədə səs vermişəm».
Mərkəzi Seçki Komissiyası seçici fəallığı ilə bağlı saat 15:00-a olan nəticələri açıqlayıb.
Saat 15:00-a olan məlumata görə, seçicilərin 2 987 213 nəfəri səsvermədə iştirak edib.
Ölkə üzrə ümumi seçici fəallığı 58.05 faiz təşkil edib.
16:049.10.2013
«KARUSEL» QIZIŞIB
179 saylı məktəbdə yerləşən Binəqədi 10 saylı Dairə Seçki Dairəsinin 7 və 8 saylı məntəqələrində «karusel» qızışıb.
AzadlıqRadiosunun müxbiri xəbər verir ki, müəllimlərdən və valideynlərdən ibarət 5-6 nəfərlik bir neçə qrup 7 saylı məntəqədən çıxıb 8 saylıya, 8 saylı məntəqədən çıxıb 7 saylıya gəlib səs verirlər.
Müxbirimiz «karusel» prosesini videoya çəkib. 7 saylı məntəqənin sədri isə deyib ki, belə şey ola bilməz.
