19:08
9.10.2013
Sesverme bitib ama sedr deyir yorulmushuq yarm saat sonra bashlayacam #azvote13 canli yayim gedir http://t.co/2Kntz0T9kg
— AzadliqRadiosu (@RadioAzadliq) 9.10.2013
18:48
9.10.2013
CƏMİL HƏSƏNLİDƏN SEÇKİYƏ İLKİN QİYMƏT
«Azərbaycanda keçirilən prezident seçkiləri ilə bağlı ölkənin bütün istiqamətlərindən kütləvi və aşkar saxtakarlıq faktları haqda məlumatlar alıram. Hakimiyyət bu seçkinin taleyini «həll etdiyini» düşünür və hesab edirəm ki, çox ciddi şəkildə yanılır».
Milli Şuranın namizədi Cəmil Həsənli 9 oktyabr prezident seçkisi ilə bağlı bəyanat verib.
Bəyanatda deyilir ki, «seçkilərin total şəkildə saxtalaşdırılması xalqın seçim hüququnun kobud şəkildə tapdanması və açıq-aşkar ona hörmətsizlikdir. Bütün saxtakarlıqlar Seçki Qərargahımız tərəfindən qeydə alınır, yerli və beynəlxalq ictimaiyyətin diqqətinə çatdırılır. Hazırda «karusel» əməliyyatlarını sübut edən video və foto faktlar sosial şəbəkələrdə yayılmaqdadır. Düşünürəm ki, artıq seçkinin legitimliyini indidən şübhə altına almaq mümkündür».
Cəmil Həsənli bildirib ki, «təəssüf ki, bir çox hakimiyyət nümayəndələri saxtalaşdırmada birbaşa iştirak edərək, ən ağır dövləti cinayətin – hakimiyyətin qəsbində iştirak edirlər. Eyni zamanda bəyan edirəm ki, şəffaf və müsbət imicə malik olmayan «exit-poll» keçirən qurumlara etibar etmək mümkün deyil. Bəyan edirəm ki, xalqımızın səslərinin qorunması üçün bütün qanuni vasitələrdən istifadə edəcəyik».
18:38
9.10.2013
ŞİMAL RAYONLARINDA NƏ QƏDƏR ADAM SƏS VERİB
Şimal rayonlarında dairə seçki komissiyalarının sədrləri səsvermə prosesindən razılıq edirlər.55 saylı Xaçmaz şəhər Dairə Seçki Komissiyasının sədri Bəhram Ömərov bildirib ki, dairənin 38 məntəqəsində 43039 seçicidən 30853 nəfəri səs verib.
52 saylı Quba şəhər Dairə Seçki Komissiyasının sərdi Mübariz Abbasov bildirib ki, dairəyə düşən 70 məntəqədə 44483 seçicidən 31157-si səsvermədə iştirak edib.
52 saylı Quba-Qusar Dairə Seçki Komissiyasının sədri Rahim Qarayev deyir ki, 75 məntəqədə 45937 seçicidən 32616 nəfər səs verib.
51 saylı Qusar şəhər Dairə Seçki Komissiyasının sədri Cəlil İbrahimovun deməsinə görə, 62 məntəqədə 46553 seçicidən 33236-sı səsvermədə iştirak edib.
56 saylı Xaçmaz kənd Dairə Seçki Komissiyasının sədri Zöhrab Səfərov isə bildirib ki, dairənin 43 məntəqəsində 45154 seçicidən 41444 nəfər səs verib.
AzadlıqRadiosunun şimal bölgəsinin müxbiri isə gün ərzində məntəqələrdə seyrəklik müşahidə edib. Seçicilərin səsvermədə aktivliyi ilə rastlaşmadığını deyir.
Dairə seçki komissiyalarının sədrləri səsvermə prosesində qanun pozuntularının aşkar olunmadığını bildirirlər. Şimal müxbiri isə məntəqələrdə bir sıra pozuntularla qarşılaşıb.
18:34
9.10.2013
66.85%
Mərkəzi Seçki Komissiyası prezident seçkiləri ilə bağlı saat 17:00-a olan nəticələri açıqlayıb.
Saat 17:00-a olan məlumata görə, seçicilərin 3 439 629 nəfəri səsvermədə iştirak edib.
Ölkə üzrə ümumi seçici fəallığı 66.85 faiz təşkil edib.