10:01
9.10.2013
#azvote13 36 Xetai 4 sechki d. 8 sayli menteqede bu saata meteqe sedri 100, mushshidechlerse 59 neferin ses verdiyini deyir.
— AzadliqRadiosu (@RadioAzadliq) 9.10.2013
10:04
9.10.2013
MSK-nın İOS və ANDROİD SİSTEMİNDƏ SEÇKİ NƏTİCƏLƏRİ ?
Mərkəzi Seçki Komissiyası seçkilərlə əlaqədar IOS və Android telefonlar üçün tətbiqetmələr düzəldib.
Meydan TV-nin məlumatına görə, dünən tətbiqetmələri mobil telefonuna yükləyən istifadəçilər oktyabrın 9-da olacaq seçkilərin nəticələri ilə qarşılaşıblar. Səsvermədə İlham Əliyevin 72.76%, Cəmil Həsənlinin 7.4%, Qüdrət Həsənquliyevin 5.24% olduğu görünür. Hətta seçici fəallığı, seçki məntəqəsinin adı, saatlara görə nə qədər seçicinin səs verdiyi də qeyd olunub.
Meydan TV bildirir ki, hazırda isə həmin bölmə telefonlarda bağlıdır və daxil olarkən "Bu bölmə seçki günü aktiv olacaq" yazılıb.
“Böyük ehtimalla tətbiqetməni hazırlayanlar həmin bölməni "bağlı" etməyi unudublar”, deyə Meydan TV bildirir.
MSK BİLDİRİR Kİ...
Mərkəzi Seçki Komissiyasının mətbuat katibi Azər Sarıyev AzadlıqRadiosuna bildirib ki, baş verənlərin MSK-ya aidiyyatı yoxdur:
“İstehsalçı şirkət test rejimində sınaq keçirir, məlumatlar qoyur. Bunun MSK-ya aidiyatı yoxdur. MSK-nın serverinə saat 7-dən qoşulub. Meydan TV-nin yaydığı məlumatı təxribat xarakterli sayırıq. Hesab edirik ki, Meydan TV bununla seçkinin demokratik keçirilməsinə kölgə salır. Özü də gözləyiblər ki, hakimiyyət namizədinin xeyrinə səs çox olanda onu kopi ediblər, bunu düzəldiblər. İstehsalçı şirkətlə bizim müqaviləmiz var. Özü də bunu hər saat başı eləmirlər. Müəyyən müddətlərdə test edirlər. Bunun istehsalçı şirkətə dəxli var, bizə qətiyyən dəxli yoxdur. Çünki saat 7-ə kimi həmin şirkətlə bizim əlaqəmiz olmayıb. Saat 7-də bizə birləşdiriblər. Necə işləyəcəklərini bilmək üçün sınaq keçirdiblər, test rejimində olub. Özü də bütün gün olmayıb, günün bir neçə saatında ola-olmaya”.
Azər Sarıyev bildirib ki, bununla bağlı MSK məlumat yayacaq.
10:15
9.10.2013
ADI SEÇİCİ SİYAHISINDA OLMAYAN SEÇİCİ
14 saylı Xəzər rayon Seçki Dairəsinin 16 saylı və 17 saylı səsvermə məntəqələrində seçici siyahısında adı olmayanlar var. Həmin seçicilərə görə siyahı açılıb, onların ad-familiyaları siyahıya yazıldıqdan sonra bülleten verilir. Müşahidəçilər və komissiya üzvləri seçiciləri yönləndirirlər.
10:20
9.10.2013
İLHAM ƏLİYEV SƏS VERİB
Oktyabrın 9-da prezident İlham Əliyev 29 saylı Səbail Seçki Dairəsinin 6 saylı seçki məntəqəsində səs verib.
