MSK ilkin nəticələri elan etdi, İlham Əliyev qalib elan olundu

-

Bakıdakı 8 saylı Binəqədi 1-ci seçki dairəsinin 20 saylı məntəqəsində Milli Şuranın müşahidəçisi “karusel” baş verdiyini iddia edərək buna etiraz edib. O, seçkiyə yüzbaşıların da müdaxilə etdiyini bildirib. Yüzbaşı olduğu iddia olunan şəxs isə AzadlıqRadiosunun müxbiri Ülkər Akifqızına deyib ki, o, yüzbaşı deyil, sadəcə seçkiyə kənardan kömək etməyə cəhd göstərib. Onu məntəqədən kənarlaşdırıblar.

AzadlıqRadiosunun müxbiri Naxçıvani küçəsi 1-36 ünvanında yaşayan şəxsin, 20 saylı məntəqədə qeydiyyatda olmasa da, orada səs verdiyini müşahidə edib. Məntəqə sədri Saleh Mirzəyev müxbirimizə bildirib ki, belə şey ola bilməz, yəqin həmin şəxs qeydiyyatını dəyişib, ona görə əlavə bildirişlə səs verib. Müxbirimiz isə seçicinin əlavə bildirişlə yox, şəxsiyyət vəsiqəsi ilə səs verdiyini müşahidə edib.

Şəmkirdə seçki məntəqəsi. Videodan görünür ki, bir neçə şəxs seçki qutusuna bir neçə bülleten atır. Sosial şəbəkələrdə yayılan video

Sosial Demokrat Partiyasından prezidentliyə namizəd Araz Əlizadə 17 saylı III Yasamal Seçki Dairəsinin 23 saylı məntəqəsində səs verib.

Araz Əlizadə jurnalistlərə açıqlamasında səsvermə prosesinin şəffaf keçirildiyini deyib.