Azərbaycan kapitalı Türkiyəyə axır?
2015-ci ilin yanvar-aprelində Türkiyədə Azərbaycan kapitallı 60 şirkət , o cümlədən 16 səhmdar cəmiyyəti yaradılıb. Bunu Turan informasiya agentliyi Türkiyənin Palatalar və Birjalar Birliyin\ istinadla xəbər verir.
Səhmdar cəmiyyətlərin kapitalında Azərbaycan investorlarının iştirakı 76,5%-dir (4 391,5 min lirə). Azərbaycan sahibkarları məhdud məsuliyyətli şirkətlərə isə 3 392 min lirə qoyub.
İnvestorlar əsasən ticarət, ictimai iaşə, turizm, nəqliyyat kimi sahələrə sərmayə qoyur.
Dünya birinciliyi finalını Rusiyaya və Qətərə verənlər dindirilir
İsveçrədə 2018-ci və 2022-ci illər futbol üzrə dünya çempionatlarının ev sahibliyini Rusiya və Qətərə verilməsi ilə bağlı təhqiqat başlayıb. “Guardian” qəzeti yazır ki, FİFA-da həmin qərarlar verilən səsvermədə iştirak etmiş 10 nəfər dindirilir.
«Elektron hökumət» portalında yeni məsləhət xidməti
Məlumat Hesablama Mərkəzinin məlumatına görə, «Onlayn konsultasiya» (canlı məsləhət) adlanan xidmət vətəndaşların portala müraciəti zamanı yaşana biləcək istənilən sual və problemləri yerindəcə həll etməyə imkan verəcək. «Onlayn konsultasiya» xidməti yalnız iş vaxtı fəaliyyət göstərir.
Azadlıq qəzetinə haker hücumları
Azadlıq qəzeti bir neçə gündür ki, kütləvi haker hücumuna məruz qalır. Qəzetdən Turan informasiya agentliyinə deyiblər ki, qəzetin saytına ilk hücum mayın 17-də olub. DDOS hücumlar fasilələrlə Rusiyadan,Almaniyadan və Azərbaycandan olur. Hücumlar müəyyən materiallara aiddir