Oyun bitdi, qadağa isə qüvvədədir
Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi Kamran Əliyev Trend-ə açıqlamasında bildirib ki, hələlik paytaxtda “Oyunlar zolağı”, yük avtomobilləri və qeyri-Bakı nömrəli avtomobillərlə bağlı qadağalar qüvvəsində qalacaq: “Nə qədər ki, müvafiq yol nişanları yerindədir, yollarda Bakı 2015 I Avropa Oyunları üçün ayrılmış sarı zolaqlarla əlaqədar qaydalar qüvvəsindədir və sürücülər bu “Oyunlar zolağı” qaydalarına əməl etməkdə davam etməlidirlər. Əks halda, qanuna müvafiq qaydada yenə cərimələnəcəklər".
Hikmət Hacızadə: “Rejimin piarına xərclənən milyardlar demokratiyaya işlədi”
“İdman konsepsiyasını cəmiyyət üçün zərərli hesab edirəm. Gənclər ömrünü idmana sərf edir. Sonra da bir hissəsi şikəst olur, idman ömürləri qurtarır, ya polisə getməlidirlər adam döyməyə, ya da kriminala. Mən bunu qəbul etmirəm”-bunu politoloq Hikmət Hacızadə deyir
Abel Məhərrəmov könüllüləri "tapşırdı"
BDU-nun rektoru Abel Məhərrəmov universitetin Avropa Oyunlarında könüllü olmuş 3 min tələbəsi ilə görüşündə bildirib ki, universitetdə imtahanlar bir qayda olaraq yazılı keçirilir. Ancaq könüllülər üçün qaydalarda dəyişiklik edilib - imtahanlar şifahi olacaq.
Ronaldinyo Antalyaspor-a qoşulmaq üzrədir
34 yaşlı braziliyalı futbol ulduzu Ronaldinyo sosial mediada video yayıb və yazıb ki, “Salam, mən Ronaldinyo Qauço. Tezliklə Türkiyədə birlikdə olacağıq”. Antalyaspor-un prezidenti Güntekin Gəncər açıqlamasında 34 yaşlı futbolçunun 1-2 gün içində Türkiyəyə gələcəyini qeyd edib.