Erməni boksçu danışdı
Ukrayna yığmasının erməni əsilli boksçusu Gevorg Manukian prezident İlham Əliyevin göstərdiyi davranışa sevindiyini bildirib. O, Qafqazinfo-ya deyib: “Bu mənim çox xoşuma gəldi. İlham Əliyevin mənə belə münasibət göstərməsi həqiqətən çox yaxşı idi. Azərbaycan prezidenti medal qazandığıma görə də məni təbrik etdi. Həqiqətən bu sevindirici idi”. İkinci yeri tutan Manukiana medal veriləndə tamaşaçılar onu fitə basıb, ancaq İlham Əliyev əlinin işarəsi ilə onları sakitləşdirəndən sonra tamaşaçılar əl çalmağa başlayıb.
İyulun 1-də AzadliveRadioda bu mövzuları müzakirə etdik:
Həbsxanalarda vəziyyət, rayon maşınlarının Bakıya buraxılmaması, Whatsapp problemi, ABŞ-da və Azərbaycanda könüllülüyün fərqləri, Azərbaycanın yerli taxılı
Daha bir işadamı həbs olundu
Azərbaycan Beynəlxalq Bankından götürülən külli miqdarda vaxtı keçmiş kredit borcu ilə əlaqədar daha bir iş adamı həbs edilib. Bu, APA-nın məlumatına görə, "General Construction" şirkətlər qrupuna daxil olan şirkətlərdən birinin direktoru Camal Həsənovdur. O, 178-ci (dələduzluq) maddə ilə təqsirləndirilir. Onun barəsində məhkəmədə həbs-qətimkan tədbiri seçilib.
Nazirlik: "WhatsApp" problemi Azərbaycanla bağlı deyil
Rabitə və Yüksək Texnologiyalar Nazirliyi Azərbaycanda “WhatsApp”da yaranan problemlə bağlı məlumat yayıb: Azərbaycanda “WhatsApp” messencerinin işində müşahidə olunan problemlərin ölkənin mobil rabitə operatorları və rabitə administrasiyası ilə bağlılığı yoxdur.Yerli mobil operatorların təmsilçiləri də bu problemlərin onların şəbəkəsi ilə bağlı olmadığını qeyd edib.Onların araşdırmasına görə, hazırda “WhatsApp” messenceri Böyük Britaniya, Almaniya, İtaliya, Fransa, İspaniya kimi ölkələrdə, eləcə də Cənubi Amerikada, Hindistanda, Avstraliyada problemlərlə işləyir və ya ümumiyyətlə işləmir.