İyulun 6-da AzadlıqLive-da radioda bunları müzakirə etdik:
Dövlətlərə öz vətəndaşlarının kompüterlərinə virus salıb, onları izləməyi üçün virus satan şirkət "HackingTeam" -in özünə haker hücumu edilib. Bu şirkətin aktiv müştəriləri arasında Azərbaycan Müdafiə Nazirliyi də var, Kənd müəlliminin xərci borcunu ödəmir, Avropa Oyunların Bakıya nə qaldı?, Azərbaycana MERS - “Yaxın Şərq Nəfəs Sindromu” təhlükəsi varmı?
Azərbaycana haker proqramı satılıb?
Hacking Team-in 40-dan çox işçisi var və onlarla ölkədə hüquq mühafizə orqanlarına kommersiya məqsədli haker proqramları satır. Həmin ölkələr içində Mərakeş, Efiopiya, Birləşmiş Ərəb Əmirlikləri, o cümlədən Azərbaycan var. Azərbaycan Müdafiə Nazirliyinin adı şirkətin müştəriləri sırasındadır.Müştərilər işində ABŞ-ın Federal Təhqiqatlar Bürosu (FBI), Çin, Avstraliya, İspaniya, İraqın adlarına da rast gəlinir. Müdafiə nazirliyinin cavabını öyrənib, sizə bildirəcəyik
Zavod direktoru Azadlıq Radiosuna qəzanın səbəbi barədə danışdı
“Telemexanika” zavodunun direktoru Usubağa Məmmədov AzadlıqRadiosuna deyib ki, qəzanın elektrik xəttində qısa qapanmadan baş verdiyi ehtimal edilir:“Qəzadan 3 dəqiqə sonra mən sexdə idim. Qəza olan istehsalat sahəsində 8 nəfər işləyirdi. Biz yaxınlıqdakı sahələrdə də olan 19 nəfəri xəstəxanaya göndərdik ki, tez ilkin yardım göstərilsin. İşçilərdən bəri təəssüf olsun ki, qəzadan həyəcanlanıb və sexdən çıxa bilməyib. Çox təəssüflər olsun ki, onun həyatını xilas etmək mümkün olmadı”.
“Telemexanika” Müdafiə Sənayesi Nazirliyinin Azərbaycanda patron istehsal edən yeganə zavodudur.
Oyunlardan Bakıya nə qaldı?
Avropa Oyunları vaxtı bulvarda telefon və başqa texniki cihazlar üçün quraşdırılmış, günəş enerjisi ilə işləyən, pulsuz enerji yığan cihaz da qalır.Ancaq cihazın 6 xəttindən ancaq biri işləyir, qalanları sıradan çıxarılıb.
