Mayın 1-dən Belarus Prezident Aleksandr Lukaşenkonun Azərbaycana üçgünlük rəsmi səfəri başlayır. Bu barədə «AzərTAc» dövlət xəbər agentliyi məlumat yayıb.
Prezident Sarayında rəsmi qarşılanma mərasimindən sonra Azərbaycan Prezidenti İlham Əliyevin belaruslu həmkarı ilə təkbətək və geniş tərkibdə görüşü olacaq. Ölkələr arasında əməkdaşlığa dair bir neçə sənədin imzalanma mərasimi keçiriləcək. Azərbaycan və Belarus prezidentlərinin birgə mətbuat konfransı olacaq.
Belarus Prezidentinin Azərbaycanın Baş naziri Artur Rasizadə ilə görüşü də nəzərdə tutulub.
Bundan əlavə, cənab Lukaşenko Heydər Əliyev Fondunda olacaq, Belarusun Azərbaycanda milli sərgisinin açılışında iştirak edəcək.
