Aprelin 1-də Apple-in 40 yaşı olur
Steve Wozniak ilk Apple kompüterini 1976-cı ildə Homebrew Kompüter Klubuna gətirəndə, hamı təəccübləndi, ancaq lap çox da heyrətlənmədi.
Steve Jobs və Wozniak-ın vaxtilə ilk Apple kompüterlərini düzəltdiyi Los Altos qarajı indi turistləri cəlb edən bir məkandır. Turistlər buranın fotosunu çox çəkirlər. Özü də iPhone telefonları ilə.
Obama Erdoğanla görüşdü
ABŞ prezidenti Barak Obama Vaşinqtonda keçirilən nüvə təhlükəsizliyi sammiti çərçivəsində Türkiyə prezidenti Recep Tayyip Erdoğanla görüşüb.
Ağ Evin yaydığı məlumatda görə, görüş zamanı tərəflər arasında regional təhlükəsizliyin təmin olunması məqsədilə ABŞ-Türkiyə əməkdaşlığı, terrorçuluğa qarşı birgə mübarizə və miqrasiya məsələləri müzakirə olunub. Anadolu Ajansının məlumatına görə, Erdoğanın Obama ilə görüşü təxminən 50 dəqiqə çəkib.
Formula 1 indidən şəhərdə nəqliyyata problem yaradır
Bakı şəhərində keçiriləcək «Formula-1» yarışına hazırlıq işləri ilə əlaqədar bəzi küçələrdə nəqliyyat vasitələrinin hərəkəti məhdudlaşdırılıb. Bura Neftçilər prospektinin Zərifə Əliyeva küçəsi ilə kəsişməsindəki zolaqlar və Əziz Əliyev küçəsi aiddir.
Xəbəri Nəqliyyatı İntellektual İdarəetmə Mərkəzi yayıb.
Vaşinqtonda aksiya
Martın 31-də Vaşinqtonda azərbaycanlı və amerikalılardan ibarət bu qrup fəal Ağ Evin qarşısında piket keçirib. "Amerikanın Səsi"nin verdiyiməlumata görə, Nüvə Təhlükəsizliyi Sammiti başlayan ərəfədə keçirilən aksiyada “Xədicəni Azad Edin!”, “Azərbaycan daha yaxşısına layiqdir!” kimi plakatlar qaldırılıb və şüarlar səsləndirilib.
Aksiya Azərbaycan prezidenti İlham Əliyev də daxil olmaqla, 50-dən çox ölkə liderinin dəvət edildiyi Ağ Evdə təşkil olunan işgüzar naharın başlanması vaxtı keçirilib.
