İran Azərbaycan vətəndaşlarına viza müddətini artırdı
İran 58 ölkənin vətəndaşları üçün viza müddətini 30 günədək uzadıb. APA-nın İRNA-ya istinadən verdiyi məlumata görə, bu ölkələr arasında Azərbaycan da var.
Müvafiq qərar vizanı aeroportdan alan xarici turistlərə aiddir. Yeni qayadaya görə, turistlər müəyyən hallarda viza müddətini daha 15 gün artıra bilərlər.
Dəyişiklik diplomatik pasportlara malik şəxslərə, biznesmenlərə və jurnalistlərə aid deyil.
Həmçinin qeyd olunur ki, xarici turistlər İrana il ərzində bir neçə dəfə səfər edə bilər.
Tutulan 7 MTN əməkdaşının adı bildirildi
Azərbaycan Milli Təhlükəsizlik Nazirliyinin (MTN) təqsirləndirilən şəxs qismində cəlb olunaraq, barələrində həbs qətimkan tədbiri seçilmiş 7 əməkdaşının adı məlum olub.
APA-nın hüquq-mühafizə orqanlarından əldə etdiyi məlumata görə, bunlar MTN Monitorinq Mərkəzinin rəisi Teymur Quliyev, Antiterror Mərkəzinin rəis müavini İlqar Əliyev, Transmilli Mütəşəkkil Cinayətkarlıqla Mübarizə Baş İdarəsinin rəis müavini Füzuli Əliyev, MTN Monitorinq Mərkəzinin əməkdaşları Fərhad Atayev, Anar Şirəliyev, Eşqin Əliyev və Elşad Əzizovdur.
Səhiyyə Nazirliyi hacıların virusa yoluxmasını təkzib edir
Səhiyyə Nazirliyi bu il Azərbaycandan Həcc ziyarətinə gedən zəvvarların təhlükəli virusa yoluxması ilə bağlı yayılan xəbərlərə münasibət bildirib.
Nazirliyin mətbuat xidmətinin əməkdaşı Səfayə Əhmədova azvision.az-a bildirib ki, Həcc ziyarətindən geri dönmüş və virusa yoluxmuş hər hansı bir şəxs qurum tərəfindən qeydə alınamyıb.
"Həmin şəxslər Həcc ziyarətinə getməmişdən öncə vaksinasiya olunurlar. Yəni virus kimi təqdim edilən həmin xəstəlik mövsümü xarakter daşıyır. Elə bir ciddi şey yoxdur. Yəni hacıların heç birində respirator xəstəlik qeydə alınmayıb", - nazirlik rəsmisi vurğulayıb.
Saxta brauzer
Rabitə və Yüksək Texnologiyalar Nazirliyinin (RYTN) Elektron Təhlükəsizlik Mərkəzi (ETM) Azərbaycanın internet istifadəçilərinə növbəti dəfə xəbərdarlıq edib.
«Google Chrome» veb-brauzerini silib özünün saxta surətini kompüterə quraşdıran ziyanverici proqram - saxta brauzer aşkar olunub.
Təhlükəsizlik ekspertləri bildirirlər ki, istifadəçilərin «eFast Browser» adlandırılan saxta veb-brauzerlə «Chrome» arasındakı fərqi asanlıqla seçməsi mümkün deyil.
«Həmin saxta brauzer vasitəsilə bədniyyətli sizin daxil olduğunuz veb səhifələrdə icazəsiz reklamlar yerləşdirə, sizi saxta məzmunlu zərərli saytlara yönləndirə və internetdəki fəaliyyətinizi izləyə bilər».