Frankfurtda atışma
Almaniyanın Frankfurt şəhərində polis məntəqəsi yaxınlığında maşından atəş açılıb, azı 3 nəfər xəsarət alıb. BBC-nin məlumatına görə, yaralıların durumu ağırdır. Şahidlər 10-dək atəş açıldığını söyləyirlər.
Hücumun arxasında kimin durduğu bəlli deyil, istintaq orqanları kriminal qruplar barədə ehtimal səsləndiriblər. Hücum edənlər gizlənə biliblər.
Lelo - gürcü reqbisi
Gürcüstanın ənənəvi xalq oyunu Lelo kənardan reqbini xatırladır. Tarixçilər əmin edirlər ki, bu oyunun yaşı 300 ildən çoxdur.
İnstaqramda boşluq tapana 10 min mükafat
Finlandiyalı 10 yaşlı uşaq foto-video paylaşım şəbəkəsi Instagram-da boşluq tapıb.
BBC-nin xəbərinə görə, Jani adlı məktəbli istifadəçilərin şərhlərini silən bir xətanı tapıb.
Instagram-ın sahibi olan Facebook boşluğun aradan qaldırıldığını açıqlayıb və məktəbliyə 10 min dollar mükafat verib.
Türkiyədə "saray çevrilişi"
Türkiyənin baş naziri Ahmet Davutoğlunun istefaya prezident Recep Tayyip Erdoğan tərəfindən məcbur edildiyi artıq heç kimdə şübhə doğurmur.
Bunu istefa xəbərindən az sonra səslənmiş başqa bəyanatlar da göstərir.
Prezidentin sözçüsü Cemil Ertem bildirib ki, “ölkə və onun iqtisadiyyatı prezidentə daha yaxın baş nazir öz kürsüsünü tutandan sonra daha da sabitləşəcək”.