Şahidlər polisin aksiyaçılara hücum etdiyini deyirlər
Hələlik saxlananların bir hissəsi Bakıda polis idarələrindədirlər. Aksiyada iştirak edən şahidlərdən biri - Nailə Əliyeva baş verənləri bu cür izah edir:
“Mitinqdən sonra polis anidən “Məhsul” stadionu tərk edənlərə hücum etdi. Adamlara hücum edənlər arasında mülki şəxslər də vardı. Mülki geyimlilər tutduqlarını vurur, zorla əvvəldən gətirdikləri polsi avtobuslarına doldururdular.
Bakı şəhər Baş Polis İdarəsinin yaydığı məlumatda isə deyilir ki, Milli Şuranın mitinqindən sonra bəzi iştirakçılar asayişi pozmağa cəhd edib. Onların qarşısı alınıb, bir neçə nəfər saxlanılıb. Hazırda həmin şəxslərlə bağlı araşdırma aparılır.
Bakı Şəhər Baş Polis İdarəsi: Saxlananlar var
“Sentyabrın 17-də özünü Demokratik Qüvvələrin Milli Şurası adlandıran qurumun Yasamal rayonundakı "Məhsul" stadionunda Bakı Şəhər İcra Hakimiyyəti ilə razılaşdırılmış mitinqi ictimai asayişin və hüquq qaydasının kobud şəkildə pozulması halları qeydə alınmayıb. Lakın tədbirdən sonra bəzi iştirakçılar asayişi pozmağa cəhd edib. Xidməti vəzifələrini yerinə yetirən polis əməkdaşlarının qanuni tələblərinə qəsdən tabe olmayaraq hüquqazidd hərəkətlərə yol veriblər”.
Bakı Şəhər Baş Polis İdarəsinin yaydığı məlumatda belə deyilir.
Məlumatda bildirilir ki, görülmüş tədbirlərlə qanunsuz əməllərin qarşısı alınıb. Bir neçə nəfər saxlanılıb. Araşdırma aparılır.
#mitinq S.Novruzov: 'Milli Şuranın mitinqi biabırçı oldu' https://t.co/D2HLnOKIEK
— AzadliqRadiosu (@RadioAzadliq) 17.9.2016