Saat 17:00-dək seçici fəallığı açıqlanıb- 69.93
Azərbaycanda keçirilən prezident seçkilərində saat 17:00-dək olan seçici fəallığı açıqlanıb.
MSK Katibliyinin Seçkilər İnformasiya Mərkəzinin müdiri Fərid Orucov deyib ki, saat 17:00-a qədər 3 milyon 716 min 135 nəfər səs verib. Onun vurğulamasına görə, seçkidə 69.93 faiz seçici iştirak edib.
MSK-nin məlumatına görə, seçicilərin ümumi sayı 5 milyon 314 min 365 nəfərə bərabərdir.
MSK: 'Seçkilərin şəffaflığına kölgə salmaq istəyənlər var'
«Prezident seçkilərində səsvermə prosesi seçki subyektlərinin və seçicilərin azad davranışı şəraitində, ümumən qanunvericiliyin tələblərinə uyğun keçir».
Mərkəzi Seçki Komissiyasının (MSK) yaydığı açıqlamada belə yazılır.
MSK bildirir ki, seçkilər dövrü və səsvermə günü hər hansı qanun pozuntusunun olmasına dair onlara heç bir rəsmi məlumat daxil olmayıb.
«Lakin sosial şəbəkələrdə seçkilərin demokratikliyinə və şəffaflığına kölgə salmaq istəyən bəzi maraqlı qüvvələr tərəfindən həqiqətə uyğun olmayan, heç bir fakta söykənməyən uydurma məlumatlar yayılır», - MSK qeyd edir.
MSK 17 saylı Yasamal Üçüncü Seçki Dairəsinin 5, 6 və 7 saylı seçki məntəqələrində seçki qutularının standartlara cavab verməməsi barədə məlumatları təkzib edib. Qurum bildirir ki, bəzi saytlarda elə dairə, məntəqə adları çəkilir ki, onlar reallıqda mövcud deyil.
MSK hesab edir ki, belə məlumatların yayılmasında məqsəd seçkilərə kölgə salmaqdır.
Açıqlamada habelə vurğulanır ki, bu, eyni zamanda, beynəlxalq və yerli müşahidəçilərə yanlış məlumat vermək və onları yanıltmaq məqsədi daşıyır.
Bir kabinədə iki seçici...
Astara rayonunda prezident seçkisi ilə bağlı İranla sərhəd zonasında yerləşən Məscidməhəllə kəndində oluruq. Kənd sakini Xani Rufullayevlə söhbət edirik. O, səs verdikdən sonra evinə qayıdırdı. X.Rufullayev deyir ki, səsvermə qaydasında gedir: «Səsvermə öz qaydası ilə gedir. Səs veririk, çıxıb gedirik...».
Həmin kəndin başqa bir sakini isə deyir ki, adamlar həqiqəti deməkdən qorxurlar: «Kimdən soruşsan, belə cavab alacaqsan»... Davamı
