“PARLAMENT BUNU QƏBUL EDƏSİ DEYİL”
Milli Məclisin üzvü Araz Əlizadə deyir ki, bu qanun layihəsi ölkə daxili vəziyyətə hesablanıb, parlament belə bir qanun qəbul edəsi deyil:
“Qarabağ ətrafında mühüm bir şey baş verməyəcək. Ermənistanın ağlı varsa, bu qanun layihəsi keçməyəcək. Bunu ona görə hazırlayıblar ki, bəzi adamları sakitləşdirsinlər. Ancaq əgər parlament belə bir qanun layihəsini qəbul etsə, bu, Minsk qrupunun fəaliyyətinin dayanması deməkdir. Bu zaman Azərbaycanın tam əl-qolu açılır ki, heç kimə baxmadan müharibə edib torpaqlarımızı geri qaytarsın”.
Bir ildə girov qoyulmuş 41 min əmlak
«Azadlıq» qəzeti ölkədə bir ildə 41 min daşınmaz əmlakın girov qoyulması və bundan doğan nəticələri təhlil edir. Bu təhlil Əmlak Məsələləri üzrə Dövlət Komitəsinin «Daşınmaz Əmlak» jurnalındakı statistik rəqəmlərə əsasən aparılıb.
Məqalədə girov qoyulan 41 min əmlakın yarısının Bakının payına düşdüyü qeyd edilir. Üstəlik, bildirilir ki, bu girovların 20 mini mənzillərdən ibarətdir
Davutoğlunun istefası gözlənilir
Türkiyə baş naziri Əhməd Davudoğlunun bu dəqiqələrdə AK partiyasında çıxışı gözlənilir.
Davudoğlunun AK partiyası “Məsləki Yetərlilik Qurumu”nun toplantısından sonra istefa verəcəyi gözlənilir.
AK partiyasının fövqəladə iclasının tarixinin də bugünki görüşdə açıqlanacağı gözlənilir. Hazırda AK Baş Ofisində toplaşan MYQ üzvləri baş nazirin gəlişini gözləyir.
Davudoğlu bir saatlıq gecikmə ilə toplantıya qatılıb.
Ermənistan hökuməti Qarabağı tanımaq layihəsini bəyəndi
Ermənistan hökuməti mayın 5-dəki iclasında Dağlıq Qarabağı tanımaq haqda müxalifətçi deputatların qanun layihəsini bəyənib və ölkə parlamentinə göndərib.
Əvvəllər hökumət belə layihələri heç vaxt qıəbul etmirdi, bu dəfə isə müsbət rəy verməklə, parlamentə yollayır.