Davutoğlu -Erdoğan narazılığı xəbərləri lirəni salır
Türkiyənin baş naziri Ahmet Davutolunun öz postunu bu ay tərk edəcəyi informasiyaları 2008-ci ildən bəri lirənin dollara nisbətən ən böyük enişinə gətirib. Bunu Bloomberg xəbər verir. Mayın 4-də Financial Times qəzetində də Davutoğlu ilə Erdoğan arasında narazılıqdan yazı çıxmışdı. Mayın 4-də lirə dollara nisbətdə 3,9 faiz düşdü. Mayın 5-də lirə bunun cəmi 1 faizini aradan qaldırdı. Dollar hazırda 2,86 lirədir.
Bloombergin söhbət etdiyi ekspertlər deyirlər ki. son vaxtlar Davutoğlu ilə Erdoöan arasında ciddi fikir ayrılıqları var. Bloombergdə olan məlumata görə 15 gündən sonra AK partiyanın qurultayında yeni lider seçiləcək və Davutoğlu namizədliyini verməyəcək. Bu isə o deməkdir ki, Davutoğlu baş nazirlikdən gedəcək. Hər halda Bloomberg belə yazır.
Top zərbələrindən dağılan evlərdən fotolar
Azərbaycan ötən həftə Ağdam və Tərtər rayonlarında erməni silahlı qüvvələrinin top atəşləri ilə onlarla evin dağıldığını bildirir. Həmin rayonların sakinlərindən aldığımız bəzi fotolar.
Top zərbələrindən dağılan evlərdən fotolar
Dollar kreditinə qadağa götürüldü
Maliyyə Bazarlarına Nəzarət Palatasının (MBNP) kredit təşkilatlarına xarici valyuta ilə kreditlərin verilməsinə qoyduğu qadağanı götürdüyü bildirilir. APA bu xəbəri banklara istinadən yayıb.
Artıq bankların xarici valyutada kreditləri bəzi şərtlərlə verəcəyi gözlənilir. Yaxın vaxtda Palatanın yeni şərtləri ictimaiyyətə detallı şəkildə açıqlayacağı deyilir.
Səudlar başqalarının bilmədiyi nəyi bilirlər?
Neft analitiki Rick Newman deyir ki, investorlar Səudiyyənin dövlət neft şirkəti Aramco-nun səhmlərini 2017-ci ildə satışa çıxaracağı barədə xəbərə çox da ağız suyu axıtmamalıdırlar.
Caprock Group şirkətinin təsisçisi Matthew Weatherly-White deyir ki, səudları bu addıma nə isə itələyib və yəqin onlar “başqalarının bilmədiyi nəyi isə bilirlər”.
Səudiyyə qonşu ölkələrdə müharibələrə və şahzadələrin dəbdəbəli həyat tərzinə pul çatdırmır
Onun fikrincə səudlar, ola bilsin neftlərinin bir azdan heç nəyə dəyməcəyini bilirlər. Məbuat icmalı