Leonardo Di Caprio Urmiya gölünün qurumasından yazdı
Oscar mükafatlı Hollivud ulduzu İran Azərbaycanında yerləşən Urmiya gölünün qurumasından öz instaqram səhifəsində yazıb.
Ekologiya müdafiəçisi kimi tanına aktyor Urmiyanın fotosunu paylaşaraq bildirib ki, indi bu gölün cəmi 5 faizi sudur.
“Gördüyünüz qurumuş Urmiya gölü Yaxın Şərqdə ən böyük duzlu göl olub. İndi gölün 5 faizi sudan ibarətdir. Bu, iqlım dəyişikliyi, tikinti işləri və yağışın azalması ilə əlaqədardır”.
Leicester -in hər oyunçusuna bir Mercedes
Klubun sahibi Tailandlı iş adamı Vichai Srivaddhanaprabha İngiltərə çempionu olduğuna görə Leicester klubunun 30 oyunçusunun hər birinə bir Mercedes bağışlayıb.
Daily Mail yazır ki, bu Mercedeslər B klassdır və qiyməti 32 min 670 funt sterlinqdir.
Bundan başqa, Leicester oyunçuları müqavilə ilə 6,5 milyon funt sterling mukafat alacaq.
Dünyanın ən nüfuzlu universitetləri siyahısında Asiyanın payı yüksəlir
Timeshighereducation.com saytının açıqladığı 2016-cı il Ali Təhsil Reytinqində Asiyadan 18 universitet yer alıb. Ötən il bu rəqəm 10 idi. Yaponiyanın Tokio Universiteti 12-ci yerdədir. Çinin Sinxua və Pekin universitetləri 8 və 11 pillə irəliləyərək 18 və 21-ci yerdə qərarlaşıblar.
Avropa ölkələrinin bəziləri siyahıdan çıxıb. Böyük Britaniya siyahıda ən çox (10) universiteti olan ikinci ölkədir. Ancaq Bristol və Darem universitetləri 100-lükdən çıxıb. 10 universitetdən yeddisinin reytinqi düşüb.
Almaniyanın 4, Niderlandın 5 universiteti daha bu siyahıda yoxdur, eləcə də Danimarka və Finlandiya yer tutmayıb. Media icmalı
ABŞ ofşor şirkətlərdən aşkarlıq tələb edəcək
Mayın 5-də Birləşmiş Ştatlar ofşor hesablardan qanunsuz istifadəyə qarşı mübarizə məqsədilə bir sıra tədbirlər açıqlayıb. Bu günlərdə mediaya sızmış “Panama sənədləri” dünyanın tanınmış simalarının, siyasətçilərinin sərvətlərini ofşor hesablarda gizlətdiyini üzə çıxarmışdı.
Bundan sonra xüsusi vergi zonalarında yerləşən maliyyə qurumları müştəriləri olan şirkətlərin real sahiblərinin adlarını açıqlamalı olacaqlar.