-
Sentyabrın 1-də Bakı Ağır Cinayətlər Məhkəməsində hakim Ramella Allahverdiyeva jurnalist Xədicə İsmayılın 7 il 6 ay müddətinə azadlıqdan məhrum olunması barədə hökm çıxarıb.
Hökmə görə, jurnalist cəzasını ümumi rejimli cəzaçəkmə müəssisəsində çəkməli, ekspertiza xərcləri üçün 364 manat ödəməlidir.
Bundan başqa hakimin qərarına görə, jurnalist 3 il müddətində dövlət və bələdiyyə işlərində vəzifə tuta bilməz.
Xədicə İsmayılın araşdırmaları
Xədicə İsmayılın araşdırmaları
1. Qızıl mədənlərində Əliyevlərin payı
2. Baku Crystall Hall-un sirləri
3. Prezidentə yaxın şirkətlər Azercell-i necə ələ keçirdi?
4. Prezidentin qızı banka necə sahib oldu?
5. Londonda İlham Əliyevin ailəsinə məxsus imarət
6. Yüksək kredit faizləri Əliyevlərin banklarını varlandırır
7. Bakıda ən yaxşı otellərin bəziləri Əliyevlərindir
8. “Azərfon”a İlham Əliyevin qızlarına məxsus Panama şirkətləri nəzarət edir
9. Tanınmış azərbaycanlıların Çexiyadakı mülkləri
10. Azercell-in payçıları arasında prezident qızlarına bağlı ofşorlar
11. Əli Həsənovun siyasiləşmiş biznes şəbəkəsi
12. Anar Əliyev kimdir və hardadır?
AzadlıqRadiosunun əməkdaşı, araşdırmaçı-jurnalist, radionun Bakı bürosunun keçmiş rəhbəri Xədicə İsmayıl 2014-cü il dekabrın 5-də həbs edilib.
O, əvvəlcə Tural Mustafayev adlı şəxsi intihar həddinə çatdırmaqda ittiham olunub. Hakimin qərarına görə, jurnalistə qarşı həmin ittiham ləğv edilib.
Amma hakim ona qarşı irəli sürülən digər ittihamları - Bakı bürosunun rəhbəri vəzifəsində çalışdığı müddətdə vəzifə səlahiyyətlərini aşma, vergidən yayınma, mənimsəmə kimi ittihamları haqlı bilib.
Jurnalist özü bütün ittihamları əsassız sayır, hakim ailənin biznes fəaliyyəti barədə araşdırmalarına görə cəzalandırıldığını bildirirlər.
Xədicənin araşdırmaları, məhkəmədə etdiyi çıxışı barədə hər şeyi ətraflı burada ayrıca saytda oxu.
